Главная > Диетолог-целитель > Молитвы > Защитные молитвы > Молитвы Архангелам на каждый день недели.
Молитвы Архангелам на каждый день недели.
|
Понедельник Святый Архангеле Божий Михаиле, отжени от мене молниеносным мечем твоим духа лукаваго, искушающаго мя. О, великий Архистратиже Божий Михаиле, победителю демонов! Победи и сокруши всех врагов моих, видимых и невидимых, и умоли Господа Вседержителя, да спасет и сохранит мя от всех скорбей и всякия болезни, от всея смертоносныя язвы и напрасныя смерти ныне и присно, и во веки веков. Аминь.
|
|
Вторник Святый Архангеле Божий Гаврииле, радость неизреченную с Небесе Пречистей Деве принесший, исполни радостию и веселием сердце мое, гордостию преогорченное. О, великий Архистратиже Гаврииле, благовестивый еси Пречистей Деве Марии зачатие Сына Божия, возвести и мне недостойному день страшной смерти, и умоли Господа Бога за грешную мою душу, да простит Господь грехи мои и не удержит мене диавол на мытарствах. О, великий Архангеле Гаврииле, сохрани ми от всех бед и тяжких болезней ныне и присно, и во веки веков. Аминь.
|
|
Среда Святый великий Архистратиже Божий Рафаиле, приемый дар исцеления от многия болезни моего тела. О, великий Архистратиже Божий Рафаиле, ты еси путеводитель, врач и целитель, руководствуй мя ко спасению и исцели вся болезни мои душевные и телесные, и проведи мя ко престолу Божию, и умоли Его Благоутробие за грешную мою душу, да простит мя Господь и сохранит от всех врагов и от злых человек ныне и присно, и во веки веков. Аминь.
|
|
Четверг Святый Архангеле Божий Урииле, светом Божественным озаряемый, огнем пламенней горячей любви, опусти искру огня сего пламеннаго в сердце мое хладное, и душу мою темную светом своим озари.
О, великий Архистратиже Божий Урииле, ты еси сияние огня Божественнаго и просветитель помраченных грехами, просвети ум мой, сердце мое, волю мою силою Святаго Духа и настави мя на путь покаяния, и умоли Господа Бога да избавит мя Господь от ада преисподняго и от всех врагов видимых и невидимых ныне и присно, и во веки веков. Аминь.
|
|
Пятница Святый Архангеле Божий Салафииле, даяй молитву молящемуся,научи мя молитися смиренно, сокрушенно, сосредоточенно и умилительно. О, великий Архистратиже Божий Салафииле, ты молишь Бога за людей верующих, умоли Его Благоутробие за мя грешнаго, да избавит мя Господь от всех бед и скорбей и болезней, и от напрасныя смерти, и от мук вечныя, и сподобит мя Господь Царствия Небеснаго со всеми святыми во веки. Аминь.
|
|
Суббота Святый Архангеле Божий Иегудииле, присный споспешниче всех подвизающихся на пути Христовом, пробуди мя от тяжкой лености и к подвигам добрым укрепи мя. О великий Архистратиже Божий Иегудииле, ревностный защитниче славы Божией, ты вдохновляешь прославлять Святую Троицу, вдохнови и мене лениваго славить Отца и Сына, и Святаго Духа, и умоли Господа Вседержителя, да созиждет во мне сердце чисто, и дух прав обновит во утробе моей, духом Владычним утвердит мя поклонятися духом и истиною Отцу и Сыну, и Святому Духу ныне и присно, и во веки веков. Аминь.
|
|
Воскресенье О святый Архангеле Божий Варахииле, благословение Господне нам приносящий, благослови мя положити начало благое исправлению нерадивого жития моего, да угожду Господу Иисусу Христу, Спасителю моему, во веки веков. Аминь.
|
|